Aiurrik eta Poxta Zaharrek aurreko urteetako ohitura berreskuratu eta, elkarlanean, jaien aurreko bertso-afaria antolatzeari ekin diote. Datorren irailaren 18an izango da Oianumen, iluntzeko 20:30etan hasita. Beñat Gaztelumendi eta Eli Pagola bertsolariak izango dira protagonistak. Amaia Agirre ariko da, ohi bezala, gai-jartzaile lanetan. Bi bertsolarientzat Urnieta ezaguna da eta azken urteotan kantari aritu dira Kantazaunen edo Aiurriren saioetan. Txartelak astearen amaieran salgai izango dira Andoaingo eta Urnietako saltoki jakinetan.
