Urnietarrak jaun eta jabe izan ziren hasieratik eta ez zieten hernaniarrei aukerarik eman. Lurraldeko 1. mailako partida ofiziala izan zen eta hemerotekarako geratuko da etxekoen nagusitasuna.
Harmailak beteta, etxekoen partida hasiera bikaina izan zen. Egoera ikusita, bisitariek partida gelditu behar izan zuten, ezinezkoa zitzaielako UKEren defentsa-lerroa gainditzea. Atezainak eta defentsak lan itzela egin zuten aurreko asteburuan.
Larunbatekoa UKEkoen denboraldiko partidarik onena izan zen, defentsan oso sendo eta erasoan eraginkor jokatuz. Gainera, giro ederra izan zen Urnietako kiroldegian. Hernanitik jende asko hurbildu zen eskubaloi partidaz gozatzera. Garaipena, ordea, eta ezbairik gabe, gorritxoentzat izan zen.