Antolatzaileek, gainera, udalerritik harago zabalduko dute ospakizuna aurreko egunetan. Izan ere, osasun arazoak dituztenengana hurbildu nahi dute Gau Beltza. Hala, urriaren 28an Hernaniko adinekoen egoitzara eramango dute festa. Eta biharamunean, urriaren 29an, Urnietako Eguneko Zentroan izango dira. Urriaren 30ean, berriz, kalejira Donostia Ospitaleko Maternora eramango dute. Han eta hemen biratxoa egin ostean Urnietako ospakizunean murgilduko dira.
