2027ko Udal aurrekontuko 150.000 euroekin zein hobekuntza egin erabaki behar da, azaroaren 1a bitarte. Parte hartzeko hamaika modu daude, Udalak aditzera eman duenez: "parte hartzeko bide desberdinak eskaini dira: kutxak, postontziak, webgunea eta app-a. Bestalde, urriaren 30ean informazio karpa bat ipiniko da zalantzak izanez gero argitzeko. Goizean Etxeberri plazan egongo da eta, arratsaldean, San Juan plazan".
Hamar proposamen, hiru aukera
- Txoritagain plaza konpontzea, bereziki, eserlekuak.
- Plazido Muxikako estalkia hobetzea, euritik babesteko.
- Azkorteko ermitaren ondoan, ahal den punturik altuenean iturri bat jarri.
- Isidro Setien 1eko espaloiak eta barandak aldatzea.
- Topeak jarri kiroldegi pareko aparkalekuetan, kotxeak ez daitezen espaloian sartu.
- Urraka auzoko pintura-seinaleak hobetzea, autok kontrako norabidean sartzea saihesteko.
- Zebrabide bat egin Etenetako igogailuaren ondoan Etxeberri plazara iristeko.
- Erratzu industriguneko errepidea asfaltatzea.
- Ariketa-parkea, Jakutegin.
- Bizikletak garbitzeko gunea.