Memoria guztien alde
Joxe Mari Luengo Zizurkilgo alkatearen arabera, “gaitzesgarria eta tamalgarria da memoria historikoa berreskuratzeko ekintza baten aurkako horrelako erasoa eta berehala ikusi genuen plaka hori berrezarri behar genuela. Eta hala egin dugu”. Udalak elkartasuna eta babesa adierazi nahi die Aranaren senide eta gertukoei eta konpromisoa berresten du memoria historikoaren eta giza eskubideen urraketak jasan dituzten memoria guztien alde lanean jarraitzeko.
Era berean, Aranzadi zientzia elkarteak udaro Aiztondoko Udalekin elkarlanean egiten dituen auzolandegien baitan, Jose Arana Irastorzari omenaldia egiteko asmoa azaldu du.