Zizurkil Goiko jaiak 2019

Alatzne Etxaburua: "Herriak jantzi didan txapela da denetan ederrena"

Aurtengoan arratsaldez lehertu da jaia Zizurkil Goian. Horren ardura Alatzne Etxaburua segalariak eduki du, txapel eguneko txapeldunak. Izan ere, txapel egunean omentzen den pertsonak jaurtitzen du txupina jaietan.

Igotz Alkorta hasi da lehenik hizketan eta adierazi duenez, "Festa batzordetik nabarmendu nahi izan dugu guretzat integrazio eredua ere badela Alatzne Etxaburua. Zizurkildarra izan gabe, Zizurkilera etorri eta nola murgildu den herrian". Etxaburuak, berriz, esker hitzak izan ditu hizpide. Txapela jasotzeak ilusio handia egin ziola esan du eta hitzak sarritan ateratzen ez direnez bertsotan bildu ditu Etxaburuaren hitzak Unai Mendizabal bertsolari zizurkildarrak. Alboan izan ditu Irantzu eta Mirari trikitilariak. Hurrengo bidean bertsoa entzungai:

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!