Elena Silvestre eta Xabier Lukin errenteriarrak izan ziren XII. Kros mistoko azkarrenak, 21’24’’ denbora eginez. Lurdes Kolomo eta Mikel Arrate zizurkildarrak bigarren postuan helmugaratu ziren, zortzi segundura. Xabier Agirrezabala eta Iosune Alberdi, Zizurkil eta Berrobikoak, 22’39’’ denborarekin, hirugarren lekuan iritsi ziren. Ohi denez, giro ona nagusitu zen; ikusle ugari gerturatu zen, korrikalariak txalotzera.
Gaur arratsaldean jarraituko du festak Zizurkilen. Hauxe egitaraua:
19:00 Marrazki lehiaketa. Erakusketaren irekiera eta sari banaketa Plazida Otañon.
20:00 Txupinazoa eta Melokotoiaren aurkezpena, herriko Bukalai dantza taldeari eskainita. Ondoren, buruhandiak eta JunDaJo txaranga.
21:30 Herri afaria Atxulondo eta Pasus jatetxeen eskutik. Ondoren, txaranga.
02:00 Karaokea.