Erraldoiak dantzan eta buruhandiak haur eta gaztetxoen atzetik korrika. Doinu alaiez lagundutako kalejira izan da, koloretsua eta polita. Amaieran, konpartsa bakoitzak bere emanaldia eskaini du Joxe Arregi plazan. Guztiek batera dantzan amaitu dute saioa.
Berrikuntza gisa aipatu, Zizurkilgo bi emakumeen erraldoiak bi emakume zizurkildarrek ekarri dituztela plazara dantzan lehenengoz. Maite Amenabar eta Ainhoa Urruzolak euren saiakeragatik txaloak jaso dituzte.
