Joseba Otaegi bigarren, Euskal Pentatloi Txapelketan

Joseba Otaegi zizurkildarrak bigarren postua lortu zuen larunbatean jokatutako II. Euskal Pentatloi Txapelketako final handian. Sei kirolari ziren nor baino nor, eta Xabier Zaldua gailendu zen, 38:30 denbora eginez. 31 segundu gehiago behar izan zituen zizurkildarrak bere lanak bukatzeko.

Aurretik joan zen Joseba Otaegi ia saio guztian. Harri-jasotzen, aizkoran, giza-proban eta txingetan bera izan zen azkarrena. Azpeitiako zezen-plazan jokatu zuten finala eta, korrika-saioa hastean, ia bi itzuliko abantaila zeraman Otaegik Xabier Zalduarekiko. Korrika, ordea, laster harrapatu zuen Zalduak zizurkildarra, garaipena eskuratuz. 31 segundu geroago amaitu zituen lanak Otaegik.

Honela geratu zen sailkapena:

1. Xabier Zaldua: 38:30

2. Joseba Otaegi: 39:01 (+0:31)

3. Arria V.a: 39.54: (+1:24)

4. Luis Txapartegi: 41:40 (+3:10)

5. Aratz Mugertza: 43:03 (+4:33)

6. Aizperro: 45:28 (+6:58)

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!