Ekitaldi sorta, Torturaren Aurkako Egunaren harira

Otsailaren 13an, ostegunarekin ospatuko da Torturaren Aurkako Nazioarteko eguna. Egun hori gogoan, ekitaldi ezberdinak antolatu ohi dituzte Zizurkilen, eta hala izango da aurtengoan ere.

Ostegunean bertan, mahai-ingurua izango da Atxulondo kultur etxean:

"Tortura ostean berreraikitzen, genero perspektibatik" izenburupean arituko dira Olatz Dañobeitia, Miren Azkarate eta Nekane Txapartegi. Suitzatik arituko da asteasuarra, skype bidez.

Arratsaldeko 19:00etan hasiko da mahai-ingurua.

Igandean ere, hilak 16, ekitaldi ezberdinak egingo dituzte:

  • 09:00 Ibilaldia Haizetsura, Pello Mari Otaño plazatik abiatuta.
  • 13:00 Ekitaldia Joxe Arregi plazan.
  • Ondoren, bazkaria Urkamendi elkartean.

 

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!