18:00etatik 19:00etara, ordubeteko saioa egiten dute bi gazteek. Kexa bat tarteko, atzoko emanaldia bertan behera utzi behar izan zuten, baina Udalaren babesarekin, eguneroko saioei ekin diete berriz gaur arratsaldean. Herrikide askok eskertzen dute bi gazteen saiakera, txaloz.
Alarma egoera honetan, bizilagunen arratsaldeak alaitzeko helburuz hasi ziren Lasa eta Beloki. Aurrerantzean ere, hitzordua mantentzeko asmoa dute, bakoitza bere etxeko balkoi eta leihotik, herriguneari bizitasuna emateko.