Udaleku irekiak direla eta, EUDELetik jasotako udarako gomendioen artean, herrietan antolatzen diren udaleku irekiak bertan behera uzteko eskaera jaso dute Udalek.
COVID-19a dela eta sorturiko egoerak ez du bermerik ematen, behar diren neurriak hartuz, udalekuak antolatzeko; beraz, Zizurkilgo Udalak aurtengo udaleku irekiak bertan behera utziko dituela jakinarazi du.
Egoera aldatuko balitz eta momenturen batean gomendioak desberdinak balira, Udalak berriz ere udalekuak antolatzeko aukera aztertuko lukeela adierazi dute: "Guztion, eta bereziki, gure umeen osasunaren alde erabaki zentzuduna dela uste dugu".