Ohar bidez jakinarazi ditu Udalak erabaki horren arrazoiak: "Plazida Otaño liburutegiko langile baten gertuko senideak positibo eman du Covid19 aren proban. Hori dela eta, arduraz, behin-behinean Plazida Otaño liburutegia ixtea erabaki du Zizurkilgo Udalak. Itxita egongo da langileen osasun egoera argitu arte.
Udal bulegoetako funtzionamenduan ere aldaketa izango da. Aurretiazko hitzorduarekin funtzionatuko du behin-behinean eta lehentasuna emango da telefonoz edo on-line tramiteak egiteari. Zizurkilgo Udalak arduraz jokatzeko deia egiten die herritarrei eta egoeraren jarraipena egin eta duen informazioa helarazteko konpromezua hartzen du".