Zizurkilgo Elizpe jubilatu elkartearen Pausoka, adinak ez du inporta ekimena, berriz ere martxan da. Hiru distantzia proposatu dituzte oraingoan, bakoitzaren gaitasunaren arabera:
- Burrusti baserriraino
- Matxetaundi baserriraino
- Asteasuraino
Goizeko 10:00etan abiatuko dira guztiak Zizurkilgo Joxe Arregi plazatik, eta ibilbidearen amaiera ere denak batera emango diote 12:00etan, leku berean. Ondoren, hamaiketakoa izango da parte-hartzaile guztientzat.
Lehen irteera, ekainaren 25ean izango da, eta bigarrena uztailaren 14ean. Aforoak kontrolatuta eduki ahal izateko eta aurreikuspenak egiteko, izen-emateak Zizurkilgo udal-bulegoan edota bulegoa@zizurkil.eus helbidean eman daiteke.
Zatoz bidegorrian ibiltzera!