Akezkoerrota baserriko errota lanean jarri dute gaur goiz partean, Gipuzkoako Erroten Egunarekin bat eginez. Bertaratu direnek taldeka antolatuta jaso ahal izan dituzte errotaren funtzionamenduari buruzko azalpenak, Hernandorena kultur elkarteko kideen eskutik.
Bihar, berriz, bi hitzordu jarri dituzte eskualdean. Batetik, Asteasun 11:00etan plazatik abiatu eta Urniategiko errotara bisita egingo dute, Burdinako kideekin batera. Larraulen, 10:30ean plazan elkartu, eta Txuringaineko errotara oinez joango dira.