Hasi dira Zizurkilen, Elbarrenako jaiak. Herritarrak gogotsu, arratsaldean ekitaldi ugari izan dituzte. Marrazki lehiaketarekin hasi dira, ondoren, Fraisoroko Artistek ikuskizuna eskaini dute zizurkildarrentzat eta jarraian, Uliazpik izan du txupina botatzeko ohorea. Herriko jaiak herritarrek eta herritarrentzat, giro ezinhobea nabaritu da. Lehen egunarekin jarraitzeko, herri afaria, txaranga eta karaokea izango dute.