Lehen tantotik norgehiagoka orekatua eta bizia izan zen; lau pilotariek gogor lan egin zuten partida irabazteko. Jon Erasunek segurtasun handia erakutsi zuen eta kolpe sendoak eman zituen. Julen Alberdi, ohi bezala, lehen koadroetan deabrukeritan aritu zen, teknikoki min handia eginez. Aurkariek ere, defentsa sendoa eta eraso bikaina erakutsi zuten. Esan bezala, goi mailako pilota partida izan zen eta ikusleak guztiz murgildu ziren finalean.
Zizurkildarrek Astiz-Alduntzin mendean hartu zituzten eta alde handia lortu zuten (18-11). Hala ere, Alduntzinek eta Astizek jarrera aldatu eta gogor lan egiteari ekin zioten, markagailua berdintzea lortzeraino (19-19). Norgehiagokaren azken txanpa ikusgarria izan zen; tanto luzeak, biziak eta gogorrak izan ziren, baina gizpukoarrek sendotasuna erakutsita hiru tanto egin eta partidua irabaztea lortu zuten.