Artisauen produktuak eta zaindutako jaki goxoak erosteko aukera izan dute azokara gerturatu direnek. Asko eta asko izan dira Udalak antolatutako doako autobusean gerturatu direnak.
San Millango belazean jarritako pottoken erakusketak jende asko erakarri du. Txikiek pottoka gainean ibiltzeko aukera izan dute, eta ilara luzeak sortu dira aukera hori aprobetxatu nahi zuten umeekin. Gozatua hartu dute denek.
Zimiterioan, Pello Errota plazan, Teodoro Hernandorena kalean eta Intxaur pilotalekuan jarri dituzte postuak. Aukera zabala izan da. Bitxiak, larrua, egurra, jostailuak, oihalak, ogia, loreak, pasta, patea, barazkiak, sagardoa, eztia... denetarik zen aukeran.
Giroa bikaina izan da. Eguerdian, Llado eta Zizurkilen arteko senidetzea berresteko ekitaldia egin dute Iriarte etxearen atzealdean. Lledoner zuhaitza landatu dute bertan, Iker Urruzola Zizurkilgo alkateak eta Quim Tremoleda Lladoko alkateak. 14:30ak arteko egon da zabalik azoka eta azken unera arte, asko eta asko izan dira postuetan barrena ibili direnak.