Herria zeharkatuta, Azken Portura joan dira elkarrekin, bertako bizilagunek prestatutako su-pilari su eman, eta dantza egitera. Giro ederrean joan da iluntzea.
Plazara itzulita, indarrak bildu dituzte jan-edan goxoei esker eta 22:00etan hasi da bertan ikuskizuna. Galtzagorrien inguruko ipuina antzeztu dute herriko gaztetxoek eta ondoren, Bukalai dantza taldeko kideek dantza egin dute suaren inguruan. Fandango, arin arin eta kalejirarekin amaitutzat eman dute aurtengo San Juan bezperako jaia.