Bailarako artisauak eta janari-postuak egongo dira bertan, 10:00etatik 14:00etara bitartean. Mota guztietako postuak egongo dira: gozoak; pateak; eztiak; bonboiak; txakolina; Marie Brizardeko edariak; egutegiak; euskal panpinak; motxilak; xaboi, krema eta ukenduak; umeentzako gauzak, pitxiak...
Azokaz gain, I. Postre Gozo Lehiaketa ere izango da, Zizurkilgo Gaztezulok antolatuta. 3 kategoriatan parte hartu ahal izango du jendeak:
- 9-12 urte
- 13-17 urte
- 18 urtetik gora
Lehiaketako izen-ematea egunean bertan egingo da, eta partaideak erabilitako errezeta aurkeztu beharko du. Irabazleentzat sariak egongo dira. Postreak 11:00etatik 12:00etara bitartean utzi beharko dira Joxe Arregi plazan.
Azkenik, arratsaldean, 17:30ean, BUELTAKA familiarentzako ikuskizunaz gozatzeko aukera izango da, Atxulondo kultur etxean, Behibis konpainiaren eskutik.