Herri palestinarra pairatzen ari den tortura izan zuen atzo aipagai Thamer Birawik, Atxulondon eskainitako hitzaldian.
Gaur arratsaldean, HerriBIZIgune elkarteak antolatutako zineforuma izango da elkartearen topagunean. Uruguaiko diktaduraren garaian mugimendu Tupamaroak pairatu zuen errepresioa islatzen duen ‘La noche de 12 años’ filma eskainiko dute. 19:00etan hasiko da emanaldia.
Otsailaren 18an, igandearekin egingo dute ekitaldi nagusia, Joxe Arregi plazan. Aurrez, Haizetsu bordara ibilaldia egingo dute. Herriguneko plazatik 09:00etan abiatuta, 11:00etan iritsiko dira bordara eta bertan ekitalditxoa egingo dute. Plazako ekitaldi nagusia berriz, 13:00etan egingo da.
Otsailaren 20an, 17:30etan hasita, ‘Oso latza izan da’ liburuaren inguruko solasaldia egingo dute Plazida Otaño liburutegian, 17:30etan hasita. Bertan izango da Xabier Mendiguren idazlea bera.