Alur dantza taldeko dantzarien emanaldiak eman dio hasiera ekitaldiari. Gaurko prestatutako koreografia eskaini dute bertan. Petoen banaketa egin ondoren, eskuz esku pasa duten lekukoaren barruan gordetako mezua irakurri dute. Zizurkilgo euskara ikasleek idatzi dute aurtengo mezua eta haiek izan dira irakurtzeko arduradunak. Euskara ikasteko gonbita luzatu dute eta, txalo zaparrada artean amaitu dute hitzartzea.
Bazkaritarako bilduko dira orain herritarrak Joxe Arregi plazan eta, 15:15etarako, bakoitza bere puntuan egongo da, Korrikaren lekukoa jasotzeko zain. 15:30ak aldera espero da euskararen aldeko festa handia.
