Ixabel Agirresarobek egin ditu gidari lanak gaurko ekitaldian. Bukalai dantza taldeak zabaldu du ekitaldia eta Hernandorena taldeko Joxin Azkuek hartu du lekukoa, auzoaren eraldaketaren berri emateko.
Informazio ugari biltzen duten panelak jarri dituzte auzoan barrena eta jende asko gerturatu da haietara. Ondoren, soinu eta pandero hotsek lagunduta, auzoko anfiteatrora gerturatu dira bizilagunak. Bertan zeuden Loatzo Musika Eskolako kideak, emanalditxoa eskaintzeko prest. Jan-edan goxoak dastatzeko aukera ere izan da, urdaiazpiko-moztaile eta guzti.
Giro ederra sortu da anfiteatroaren inguruan, auzoko pasarte ezberdinak gogoratuz.
