2012. urtean edo ondoren jaiotako gaztetxoen lasterketarekin emango diote hasiera kirol-ekitaldiari. Haurren lasterketarako ez da izen-ematerik egingo eta, mailaka hartuko dute parte.
Jarraian iritsiko da helduen mailako lasterketa. 2011n edo lehenago jaiotakoek izango dute parte hartzeko aukera eta, bikote mistoak osatuta lehiatuko dira. 18:00etan zabalduko dute kros mistoko izen-ematea, irteera puntuaren inguruan.
Lau itzuli eman beharko dizkiote zirkuituari, guztira bost kilometroko ibilbidea osatuz. Amaieran, afariak zozketatuko dira parte-hartzaile guztien artean eta, dutxa zerbitzua erabilgarri egongo da Danenan.
Kros mistoa amaituta, plazako barrikotea jarriko da martxan, indarrak berreskuratu eta jai-giroan murgiltzeko.
