Gaur bertan, ostiralean, urriaren 17an, palestinarren testuen irakurketa kolektiboa izango da 17:30ean, Plazida Otaño liburutegian. Ondoren, 18:30ean, txapa-tailerra izango da ume zein gaztetxoentzat.
17:30ean, Intxaur frontoian, pilota-partidak ere izango dira, Gipuzkoako Pilota Federazioaren eskuz banakako partidak, hain zuzen. Aurrez aurre izango dira Zizurkilgo Ziotza pilota eskolako Ibarbia eta Errenteriako EPLE elkarteko Telleria.
Jarraian, 19:00etan, eraso sexisten kontrako elkarretaratzea izango da Villabona eta Zizurkil lotzen dituen oinezko zubian, atzo Zarautzen gertatutako hilketa salatzeko.
Segidan, 19:30ean, Meliora taldearen kontzertua izango da Joxe Arregi plazan.
Aiztondo bailarako lau musikarik sortutako rock-taldea da Meliora: Iñaki Mujika, Markel Galarraga, Jokin Iraola eta Ivan Ropero.
Taldeko kideek azken lana aurkeztuko dute, Utopia diskoa.