Azken urteotan, gizartean gero eta handiagoa da kontzertu eta ekimen masiboetarako joera, eta, aldi berean, herrietako kultur aretoak betetzea gero eta zailagoa bihurtu da. Horrez gain, haur eta gazteei transmititzen zaien kultur eredua ere kezka iturri da. Testuinguru horretan, hitzaldiak kultur ohiturak, euskarazko kultur transmisioa eta kultur ekosistemaren osasuna izango ditu ardatz.
Euskara eta bere kulturgintza estuki lotuta daude. Ikerketa soziolinguistiko berrienek erakusten dutenez, euskararen ahulgune nagusia gaitasun falta da, eta indargune nagusia, berriz, atxikimendu afektiboa. Euskarazko kulturgintzak, hain zuzen ere, hizkuntzaren erabilera eta trebakuntza sustatzen ditu, eta lotura afektibo hori indartzen laguntzen du.
Hori guztia kontuan hartuta, hitzaldian ondorengo galderak jorratuko dira:
- Zein da euskarazko kulturgintzaren erronka nagusia?
- Zein eragin du kulturgintzak euskararen biziberritzean?
- Beste herri batzuetako esperientziek balio dute Zizurkilerako?
Hitzaldia Gotzon Barandiaranek eskainiko du, eta euskarazko kulturgintzan interesa duten sortzaile, antolatzaile, hezitzaile, kulturzale eta herritar orori zuzenduta dago.
