Otsailaren 26an “Maiatza saltsan” hilabete kulturalaren ekintzak zein gairen inguruan antolatuko dituzten erabakitzeko eta proposamenak biltzeko elkartuko dira eta aukera hau baliatu nahi dute kulturgintzan gabiltzanen artean sarea indartu, elkarren beharrak ezagutu eta kezka nahiz ideiak elkarbanatzeko.
Beraz, kulturgile, kulturzale, hezitzaile, hedabide… Kulturan interesa duen herritar oro gonbidatu dute datorren otsailaren 26an 18:00etan Atxulondon egingo duten bileran parte hartzera.
Urtarrilean, Gotzon Barandiaranen hitzaldian, euskarazko kulturgintzaren egoeraz hausnartzeko parada izan zuten Zizurkilen eta ondorioztatu ahal izan zuten zein garrantzia duen tokian tokiko kultur-mahaia indartzeak. Otsailaren 26an, 18:00etan egingo dute datorren kultura eta euskara mahaia
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!