Festa Batzordeak garbi adierazi ditu Urkamendi Guraso Elkartea omentzeko arrazoiak: "“Zizurkilgo herrigunea bizia izateko, ezinbestekoa da eskola txikiaren ekarpena. Baina eskolaz harago, ezinbestekoa da herri bizitzan parte hartuko duten gurasoak izatea. Hori azpimarratu nahi dugu aurtengo txapelarekin, eta guraso belaunaldi ezberdinei eskerrak eman. 80ko hamarraldiaren amaieran guraso elkartea sortu zutenetik, Zizurkilgo jaietan haurrei zuzendutako ekintzak sustatu ditu elkarteak, eta noski, beste hainbat dira urtean zehar guraso herrian antolatzen dituen ekintzak, herri giroari ezinbesteko ekarpena eginez. Aurten, eskola txikien jaia
Zizurkilen egingo den urtean, eskerrak emateko modu polita iruditu zaigu txapela jartzea”.
Gipuzkoako Eskola Txikien Festa antolatzeko lanetan murgilduta dabiltza aurten Urkamendi Guraso Elkarteko kideak. Elkartearen ibilbide osoa txalotu eta omentzeko, Txapela Eguneko txapela eskaini dio Festa Batzordeak. Haiek botako dute abuztuko jaietako txupinazoa.
Erlazionatuak
Txapela Eguna, Zizurkilen
mar 14, 22:19 Zizurkil
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!