1958tik martxan egon bazen ere, 1976an eman zioten sorrera ofiziala Danena Kirol Elkarteari. Urteurren borobila ospatzeko, hainbat ekitaldi izango dute urtean zehar.
Taldearen inguruko dokumentala egin du ETBk eta atzo arratsaldean ikusteko aukera izan zuten Atxulondo Kultur Etxera hurbildu zirenek. Bete egin zen areto nagusia.
Bertan ziren taldearen sortzaileak eta baita Jokin Mujika edo Marino Lejarreta taldekide ohiak ere. Euren bizipenak eta oroitzapenak berritu zituzten solasaldian, baita taldeak etorkizunean izan ditzakeen erronken inguruan hitz egin ere. Giro ederrean joan zen iluntzea.