Goizeko 11:00etan lehiatuko dira gaztetxoak. 10:30etarako iragarri dute izen-ematea eta, bikoteka parte hartzeko aukera ere izango dute. Hiru maila ezberdinetan lehiatuko dira txikiak: 2-5 urte, 6-8 urte, 9-11 urte.
Helduen izen-ematea zabalik dago dagoeneko, Rock The Sport webgunean.
- Federatuak: 30€ apirilaren 13ra arte. Izen-emateak, gaueko hamabietan itxiko dira.
- Federatu gabeak (popularrak): 40€ apirilaren 13ra arte. Izen-emateak, gaueko hamabietan itxiko dira.
Apirilaren 18an ospatuko da kirol-proba, arratsaldeko 16:15etan hasita. Kirolarientzat erronka polita suposatzen du Zizurkilgo hitzorduak eta ikusleentzat ere, erakargarria izaten da proba, zirkuituak kirolariak hainbat bider ikustea ahalbidetzen duelako.
Hiru zati ditu helduen duatloiak:
- Lehenengo zatia, korrika: 5 km-ko lasterketa, 2,5 km-ko ibilbideari bi itzuli emanez, aurreko edizioetan erabilitako berbera.
- Bigarren zatia, txirrindularitza: 20 km, 10km-ko ibilbideari bi itzuli eginez eta betiko trazadura mantenduz.
- Hirugarren zatia, korrika: Azken 2,5 km-ak, ibilbideari itzuli bakarra emanez, helmugara iritsi aurretik azken ahalegina egiteko.
