Pilota txapelketako finalak, Adunako jaien atariko

Aiurri 2025ko abu. 10a, 08:58

Ostegunean lehertuko da jaien hasierako suziria baina jai giroa nabarmena da dagoeneko Adunan. 60 urtetik gorako herritarrek bazkaria egin zuten atzo eta, arratsaldean, XX. Adunako Esku Pilota Txapelketa eta V. Paleta Txapelketako finalak izan ziren jokoan.

Dagoeneko 20. ediziora iritsi da jaien atarian ospatzen den pilota txapelketa. Jende asko elkartu zen pilotalekuan pilotari gazteen jardunarekin gozatzeko asmoz. 

Gaur ere festa giroan murgilduko dira adunarrak. 11:00etan txiki krosa ospatuko dute, sagardo dastaketa izango da ondoren, herriko trikitilariek alaituta, txekor jatea, toka txapelketa herritarra, Izer eta Alabier trikitilariekin erromeria eta txekor jateko afaria izango dituzte egunean zehar.  

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!