Lekukoaren emate-ekitaldia Zizurkilgo Joxe Arregi plazan 11:00tatik aurrera. 12:00etan, Zubimusuko komunitateari zuzenduta, ‘Zer ginateke gure amona eta aitonarik gabe?’ izenburupean, Kilometroak zikloari itxiera emateko ekitaldia Zubimusuren Txermingo eraikinean.
Garazi Urkola billabonatarra Akelarre pelikulako protagonistetako bat da, eta igandeko19:30eko saiora gerturatuko da, pelikula aurkezteko eta bukaeran ikusleekin solasaldi txiki bat izateko. Sarrera numeratua leihatilan edo villabona.eus webgunean eros daiteke: https://gureantzokia.sacatuentrada.es/
Pello Mari Otaño bertsolari zizurkildarra gogoan, bertso-paper lehiaketa antolatu ohi du Hernandorena Kultur Elkarteak, Harituz Bertsozaleen Elkargunearekin lankidetzan. Zazpigarren edizioa izango da aurtengoa, eta dagoeneko zabalik dago bertsoak bidaltzeko aukera. Urriaren 11n amaituko da horretarako epea.