50. urteurreneko logoa aurkeztu du Fleming Herri Eskolak

Aniztasuna festa antolatu zuen atzo, urriak 26, Fleming Herri Eskolak 50. urteurreneko logoa aurkezteko Arroan kokatzen den eskolan.

"50 urtez geroa pasaka". Horixe du lema 50. urteurreneko logoak. Fleming Herri Eskolaren ezaugarri nagusiak "kolorea, alaitasuna eta bizitasuna" direla azpimarratu zuten, baina baita beste hauek ere: osasuna eta ingurugiroaren defendatzailea, parekidea, berritzailea, kultur anitzekoa, publikoa eta doakoa. Hitzaldiarekin amaitzeko Xalbadorren hitzak ekarri zituzten gogora: "Herria da gorputza, hizkuntza bihotza".

Ondoren, nigeriarrek beren herrialdeko kantua jarri eta dantzatu zuten; eta Nirakaguako gurasoek, berriz, nikaraguarrak nolakoak diren adierazteko hitz batzuk esan zituzten: "nikaraguarrak oso etxekoak gara. Maitasunez prestatutako jakiak jatea gustatzen zaigu. Jende ona gara eta bihotz solidarioa dugu, beti gaude eskua botatzeko prest".

Herrian barrena kalejiran joan ziren, batukadaren konpainian. Ondoren, haurrentzako jolasak, tailerrak eta te dastaketa ere antolatu zituzten, eta txokolatea askaldu zuten.

Erlazionatuak

Fleming Herri Eskolak 50 urte bete ditu

Amasa-Villabona

50. urteurreneko logoa aurkezteko Aniztasun Festa antolatu zuten urriaren 25ean Arroako eskolan.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!