Bost dantzari dantzan. Dantza tradizionala eta garaikidea uztartuz. Dantzan bezala, baita panderoa astinduz ere. Emanaldiaren oinarrian, Maurizia Aldaiturriaga panderojole ezaguna: panderoa joz plazaz plaza ibili zen lehen emakumezko panderojolea, panderoarena ez ezik, bere ahots eta nortasuna lau haizetara zabaldu zituena. Bada, emakume hura gogoan, indartsu aritu dira Maier Muruamendiaraz, Nahikari Sanchez, Unai Iraola, Unai Balerdi eta Uxue Sanchez dantzariak eguerdian.
Ikusle ugari gerturatu da pilotalekura, eta barruko eserlekuak beteta zirela, giro polita sortu da. Esker oneko txaloak jaso dituzte dantzariek haien eskuetatik.