10 urte beteko ditu aurten, Harituz Tolosaldeko Bertsozale Taldeak

10 urte igaro dira jada, Harituz Tolosaldeko Bertsozale Taldea sortu zenetik eta hori ospatzeko egitarau oparoa osatu dute. Zortziko txikia oinarri hartuta; lau oin, puntu nabarmendu dituzte, hala nola, haur eta umeen bertso eskolen sorkuntza; bertso saioen hazkundea; bilketa, hedapena eta ikerketa lanak; eta azkenik, lagunarte bertsozalearen sorkuntza.