Bestetik, Joxean Kubero Kultur teknikariak aurtengo Santio Jaien xehetasunak azaldu ditu, baita, herriko jaiak hasi aurretik egingo diren bi ekitaldi aipatu ere, Garagardo azoka eta Oinkari Dantza Taldearen emanaldi berria, "Errotan". Ondoren Beatriz Untzue alkateak hartu du hitza eta aurtengo jaietako txupina Salbadora elkarteko kideek jaurtiko dutela aipatu du herriko helduei eta jubilatuei omenaldia egiteko. Azpimarratu du suziri bakarra izango dela aurten jaurtiko dena, behar bereziak dituzten pertsona batzuei kalte egiten dietelako zaratak. Bestalde, aurten ere herriko Akain talde feministarekin protokoloa osatu dutela azaldu du pasa den urtekoa ez errepikatzeko. Azkenik, jaietako zapiak aipatu ditu, aurten, Amasa-Villabonako pentsionisten mugimenduak hartu du ardura.
