Uztailak 24, osteguna
18:00 Santioetako Erroskila igotzea eta txupinazoa,
Oinkari Dantza Taldearen eta Jubilatuen elkartearen eskutik, Erreboteko plazan, Iraunkorrak txarangak alaituta.
18:15 Buruhandi, ipotx eta erraldoien kalejira, Iraunkorrak txarangak alaituta.
19:30 Kuadrillen arteko futbito txapelketako finala, Erreboteko plazan.
20:00 Eresargi abesbatzaren kontzertua, Gurea antzokian.
21:30 Herri afaria, Txerminen.
23:00 Gazteen danborrada, Iraunkorrak txarangak alaituta.
00:30 Gabezin taldea, Erreboteko plazan.
01:00 Gazte garaiak oroitu, 40 urtetik gorakoentzako DJ emanaldia, Txistulari plazan.
Uztailak 25, ostirala
Santio eguna eta Erromeria eguna
09:00 Diana, Loatzo Musika Eskolako Txistu Taldearen eskutik.
10:30 Udalbatzaren bisita Santiago egoitzara.
10:30 XLIII. Herri krosa haurrentzat, Altzin plazatik abiatuta.
11:30 XLIII. Herri krosa helduentzat, Altzin plazatik abiatuta.
12:00 Loatzo Musika Eskolako bandaren kontzertua, Erreboteko plazan. Eguraldi txarra eginez gero: Gurea antzokian.
13:30 Soka dantza, Erreboteko plazan. Eguraldi txarra eginez gero: Udal Pilotalekuan.
14:00 Lehiaketen sari banaketa: Atari bizi eta Jai egitarauaren azala, Erreboteko plazan. Eguraldi txarra eginez gero: Villabonako Udal Pilotalekuan.
Erromeria eguna, Erreboteko plazan.
17:00 Buruhandi, ipotxen eta erraldoien kalejira, Remi pasealekutik abiatuta, Loatzo Musika Eskolako Dultzaina Taldeak alaituta.
18:00 Sagardo eta pintxo dastaketa (hegaluzea parrillan).
Sagardotegiak: Aburuza (Aduna), Alberro (Hernani), Bereziartua (Astigarraga), Eguzkitza (Tolosa), Gaztañaga (Andoain), Goikoetxea (Lizartza), Isastegi (Tolosa), Lizeaga (Astigarraga), Mizpiradi (Andoain), Rufino (Hernani), Sarasola (Asteasu), Zabala (Aduna) eta Zelaia (Hernani).
19:00 Erromeria: Jota eta Lierni trikitilariak, Erreboteko plazan.
22:30 Bertsolariak, Txerminen: Alaia Martin, Amets Arzallus, Andoni Egaña, Maialen Lujanbio, Oihana Iguaran eta Unai Mendizabal. Gai-jartzailea: Amaia Agirre.
00:00 Erromeria: Irma eta Jokin trikitilariak.
Jarraian, Larrain dantza herrikoia, Hernaniko Dultzaineroen eskutik.
Jarraian, erromeria: Laket taldea
Erromeria eguna: Eguraldi txarra eginez gero, Txerminen.
Uztailak 26, larunbata
Santana eguna
09:00 Diana, Hernaniko Dultzaineroek alaituta.
10:00 Xake jokoa helduentzat XXXVIII Santio Txapelketa. "J.M. Ezkai memoriala", Txistulari plazan.
11:30 Konpartsa herrikoia (Gaia: Ipar Amerika), Txerminetik abiatuta.
15:00 Konpartsaren bazkaria, Txerminen.
16:00 Helduen bola tiraldia, Olaederrako bolatokian.
16:30 Xake jokoa haurrentzat, Sub 14 Txapelketa, Txistulari plazan.
18:00 Konpartsa herrikoiaren kalejira, Gauerdi txarangak alaituta.
23:30 Kontzertua: Eztanda taldea.
01:30 Euskaraokea.
Uztailak 27, igandea
09:00 Diana, Loatzo Musika Eskolako Trikitixa Taldearekin.
10:15 Santiotako Paleta Goma Binaka Txapelketako finalak, Villabonako Udal pilotalekuan.
11:00 Santiotan kantari kantujira, Olaederra kiroldegitik abiatuta.
11:30 Santiotako Nagusi Mailako Eskuz Binakako XII Antton Pebet memoriala, Villabonako Udal Pilotalekuan.
17:00 Sokamuturra, Erreboteko plazan.
18:00 Santiotan kantari kantujira.
19:30 Txekor jatea eta sagardo dastaketa, Txerminen.
Uztailak 28, astelehena
Gazteen eguna
11:00 Santiotako pilota topaketa haur eta helduentzat (LH1-DBH2), Villabonako Udal Pilotalekuan.
14:30 Gazteen bazkaria, Txerminen.
16:00 Haur eta gaztetxoen bola tiraldia, Olaederrako bolatokian.
17:30 Kitadelpare txarangaren kalejira, Txerminetik abiatuta.
18:00 Haur parkea, Arroako plazan.
18:00 Frontenisa banaka eta eskuz binakako txapelketa herrikoia, Olaederrako pilotalekuan.
20:00 Kontzertua: Ai ama! gaztetxoen taldea, Amalurra plazan.
23:30 Kontzertuak: Mirua eta Toc taldeak, Erreboteko plazan.
Uztailak 29, asteartea
10:00 Toka txapelketa, Olaederra kiroldegiaren ondoan.
11:00 Jubilatuen eskulanen eta margoen erakusketa, Berdura plazan.
14:00 Jubilatuen bazkaria eta ondoren dantza, Txerminen.
18:30 Herri kirolak, Erreboteko plazan. Harria jaso, aizkora, aizkora altueran,… Julen Kañamares, Eneko Otaño, Ugaitz Mugerza, Irati Astondoa, Uxue Ansorregi, Ainitze Zumeta, Urdax Magunazelaia.
18:30 Buruhandi, ipotxen eta erraldoien kalejira, Malkar plazatik abiatuta, Hernaniko Dultzaineroek alaituta.
Uztailak 30, asteazkena
Kuadrillen eguna
14:30 Kuadrillen bazkaria, Etxeondo parkean.
17:15 Kuadrillen kalejira, Gauerdi txarangarekin.
20:15 Dantzaldia, Iratzar taldearen eskutik, Erreboteko plazan.
21:30 Kafe eta likore dastaketa jubilatuentzat, musikak alaituta, Jubilatuen Biltokian.
00:00 Zezen suzkoa, Erreboteko plazan.
00:15 Dantzaldia Iratzar taldearen eskutik, Erreboteko plazan.
Uztailak 31, osteguna
San Ignazio eguna
09:00 Diana, Hernaniko Dultzaineroek alaituta.
10:00 Ur parkea, Malkar plazan.
11:00 Errebotea: Villabona-Hazparne 96. norgehiagoka.
12:30 Buruhandi, ipotxen eta erraldoien kalejira, Malkar plazatik abiatuta, Loatzo Musika Eskolako Txistu Taldeak alaituta.
13:00 Eresargi gazte abesbatzaren kontzertua, Berdura plazan.
18:00 Sokamuturra, Erreboteko plazan, Hernaniko Dultzaineroek alaituta. Ganadutegia: Markes de Saka (Itziar).
20:00 Remiri XVI. urteurreneko omenaldia, Remi Ayestaran pasealekuan.
20:30 Burrunba elektrotxaranga.
23:00 Argazkien emanaldia, Erreboteko plazan
Alkatearen adierazpena, jaien aurkezpen-ekitaldian:
Egun berezia da gaurkoa billabonatarrentzat, hain maiteak diren Santio jaien aurtengo egitaraua ezagutzera emateko eguna. Badakigu jendea jakin-minez dagoela eta heldu da unea Santio jai batzordeak prestatutako jai-ekintza guztiak lau haizetara zabaltzeko.
Aurten, beti bezala, jai-egitaraua mimo handiz prestatu da, publiko eta gustu guztietan pentsatuz. Eskerrak eman nahi dizkiegu, nola ez, jai hauek aurrera atera daitezen ekintzak antolatzen lan egiten duten herritar norbanako, elkarte, eragile, talde guzti guztiei. Ezagutzen ditugun Santio jai herrikoiak
ez lirateke posible izango horien guztien ekarpenik gabe.
Santio jaiei hasiera emango dion txupinazoa aurten 50 urte betetzen dituzten Oinkari Dantza Taldeak eta Salbadora Jubilatuen Elkarteak botako dute elkarrekin. Bakoitzak bere alorrean urte guzti hauetan egindako lan bikainak herriaren aitortza merezi du, dudarik gabe.
Beste behin, mezu ozen eta argi bat zabaltzeko aprobetxatu nahi dut une hau: festak ez dira indarkeria matxistarako aitzakia.
Villabonak berdintasunean sinesten du eta ez du inolako indarkeria matxistarik onartuko ez Santiotan eta ez inoiz!
Horrekin batera, jai hauetan herrian elkartzen garen pertsona guztion arteko errespetua, gizalegea eta elkarbizitza sanoa aldarrikatu nahi ditu Udalak. Alaitasuna eta enpatia nagusitu daitezela beti. Ondorioz, aipatutako indarkeria matxistak, jarrera eta jokabide homofobo, arrazista edota bortitzek, delinkuentziak eta intolerantziak ez dute tokirik hemen.
Jaiak bakean, askatasunean eta segurtasunez gozatu nahi ditugu
eta horrela izatea espero dugu.
Villabona gozatzen eta dibertitzen dakien herria da, zaintzen dakiena,
eta partekatzen dakiena. Eta herritarrak horixe egitera gonbidatzen ditu Udalak uztailaren 24tik 31ra.
Ondo pasa eta esperientzia alai eta ahaztezinak izan ditzazuela.
Gora Villabonako Santio jaiak!