Erromeria eguna, sagardo eta pintxo artean

Aiurri 2025ko uzt. 26a, 09:57

Aurten, Santio egunarekin batera ospatu da Erromeria eguna. Ospakizun borobila bizi izan zuten atzo billabonatarrek.

Arratsalde partean, festa giroa nagusitu zen Errebote plazan: 18:00etan hasi zen sagardo eta pintxo dastaketa, eta bertaratutakoek aukera izan zuten hegaluzea parrillan dastatzeko, Euskal Herriko hainbat sagardotegiren eskaintza lagun.

Ondoren, 19:00etan, erromeriak hartu zuen plaza: Jota eta Lierni trikitilariek jarritako doinuekin.

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!