Duela lau urte egin bezala, Aiurrik agintaldiaz eta etorkizuneko erronkez eztabaidatzeko aukera eskaini die Andoaingo alkategaiei. Alderdiei bi baldintza jarri dizkie Aiurrik: Debatea euskaraz izatea, eta solaskidea zerrendaburua izatea. Andoni Alvarez (EH Bildu), Maider Lainez (PSE-EE) eta Marijose Izagirre (EAJ-PNV) Andoainen babes politiko gehien duten hiru hautagaiak Jon Ander Ubeda Aiurriko zuzendariaren esanetara arituko dira. Ekitaldia irekia izango da, eta euskaraz ez dakitenentzat aldi bereko interpretazio zerbitzua izango da. Jon Unanue eta Amagoia Lizaso itzultzaileak arituko dira langintza horretan.
2019ko udal hauteskundeak
Andoaingo hiru alkategaien arteko debatea asteazken honetan Basteron
Aiurri astekariak alkate izateko aukera gehien dituzten hiru hautagaiak elkartuko ditu, Bastero kulturguneko ekitaldi aretoan. Arratsaldeko 19:00etan hasiko da, asteazken honetan. Eta sarrera doakoa izango da. Andoni Alvarez (EH Bildu), Maider Lainez (PSE-EE) eta Marijose Izagirre (EAJ-PNV) aurrez aurre arituko dira.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!