Sorabillako jaiak 2019

Jauregi ahizpak eta Loidi anaiak palan irabazle, Sorabillan

Iturzaetako pala txapelketako bi finalen errebantxak jokatu dira Sorabillako jaietan, joan den asteburuan. Elixane eta Alaine Jauregi ahizpak nesketan gailendu ziren, Aloña eta Garbiñe Ugalde ahizpen aurka, 25-12 irabazita. Mutiletan, Ander eta Julen Loidi anaiak lortu zuten garaipena, Xabier Alkorta eta Koldo Ponce izan zituztelarik aurkari, 25-12.

 

Partidu politak ikusi ziren Sorabillako frontoian larunbatean, eta bi datu deigarri aipatu behar dira: lau bikoteetatik hiru, anaiek eta ahizpek osatu zituzten. Gainera, zortzi pilotarietatik sei Sorabilla auzokoak dira. 

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!