Zikiro jate jendetsua ospatu zuten Sorabillan

Zikiro jateak jendez gainezka jarri zuen Sorabilla auzoko karpa, larunbt gauean. Giroa ezin hobea bizi izan zen, eta hainbat parte-hartzailek dantzarako gogo bizia erakutsi zuten, Los Rubi taldearen doinupean. Afarian zehar gogoan hartu zuten martxoaren 26an hil zen Joxe Mari Aizpurua "Puri". Antonio Calleja abeslariak eta Aran Mujika biolin joleak gidatuta, Txoria txori abestu zuten afariko parte hartzaile guztiek, Aizpuruaren omenez.