Martxoaren 22an ez dago halakorik, eta hustasun handi batek hartu du Andoaingo herrigunea. Txorien kantua nagusitzen ari da goizean, sukalderen batetik entzuten den ontzien soinuaz gain.
Konfinamendua ez ohiko egoerak eta paisaiak uzten ari da, herriz herri. Argazki-bilduman instante geldo bat irudikatu da. Atxikita dagoen bideoan, aldiz, plano bera segundu luzez “play”ri emanda utz daiteke. Ez baita aldaketarik nabaritzen.
Okindegian saltzaileak dio egunkari gutxiago saltzen dituztela, eta jende gutxiago dabilela kalean. Kontrara, eta umore puntu batez, egunean bi edo hiru alditan erostera hurbiltzen diren bezeroak badaudela adierazi du.
Astebete igaro da konfinamendua agindu zutenetik; hasiera batean bi asteetako lehena. 8 igaro dira, baina beste 7 eta beste 15 gehiago izango dira. Sanchezek, Erdikegoetako presidenteekin egindako bileran, Alarma Egoera luzatuko dela iragarri baitu.
Txorien kantuak lagun gaitzala, asteotan.
