Osasun arloko langile honen jokabidea eredugarria da. Haur txikiak izanagatik ere, bere lanbidea biziki maite du. Eta osasuna berrezkuratzearekin batera, lanera itzuli nahi zuen. Gaur izan da itzulera eguna. Larunbat honetan hasita, Martak gaixoak zaintzen jarraituko du.
Apirileko lehen egunetan bere lekukotzaren berri eman genuen, eta elkarrizketa hark oihartzun zabala izan zuen Andoain aldean. Gogoan izan kaletxikitarrek ere aitortza berezia eskaini ziotela.
Gaur ere, iluntzeko txaloetan gogoan hartu beharreko osasun langileen artean, toki berezia egin behar zaio Marta Lopez Martini. Eredu delako, beste profesional askotxo bezala. Gertura begira jarrita, Aiurriri lekukotza eskaini dioten Nahikari Sanchez, Intza Cabrera Jauregi, Amaia Agirre, Leire Martin eta beste hainbeste gehiago.