Bi trakzio-buru zeramatzan kamioiak, eta, dirudienez, frenatzeko gunerantz joan da balaztako matxura dela medio. Kamioia errepidetik atera da eta su hartu du; ondoren errepidetik 30 bat metrora dagoen zuhaitz artean erori da.
Ertzaintza eta suhiltzaileak bertara hurbildu direnean, trakzio-burua erreta aurkitu eta barruan pertsona baten gorpu kiskalia aurkitu dute.
Poliziak ikerketa jarri du abian ezbeharra argitzeko. Une hauetan Ertzaintzako begi-ikuskapeneko taldea eta istripuak berritzeko taldea ari dira lanean ezbeharraren gunean. Osakidetzako hainbat langile ere gerturatu dira bertara.
