Kontzertua Alain Ayerdi Errenteriako Musika Bandako zuzendariaren gidaritzapean egin zen, eta Oiartzabalek gonbidatu gisa jardun zuen. Donostiako udal txistulariak, berriz, Jose Ignazio Ansorena Mirri-k zuzendu zituen. Horiekin guztiekin, Donostiako Musika Eskolako zenbait txistulari ere aritu ziren.
Pailazoein omenez egindako lehenbiziko suite-a, Hernanin estreinatu zuten, bertako Musika Bandarekin eta Donostiako txistulariekin, eta ondoren gauza bera egin zuten Donostiako Santa Maria Basilikan (kronika eta bideoak).
Donostiako Trinitate plazan larunbatean eskaini zuten kontzertua, Errenterian errepikatuko dute aste buru honetan.
Beste zenbait kantu, ikusgai
“Gabiltzan kalez kale” izenburua zeraman Donostiako kontzertuak, eta pailazoei eskainitako piezaz gain, euskal kantutegi tradizionaleko beste hainbat kantu interpretatu zituzten. Tartean, Donostia (Antonio Peña y Goñi), Gabiltzan Kalez Kale (Pablo Sorozabal); Idiarena (Eduardo Gorosarri); Brakaman (Raimundo Sarriegi); Antxineko abestiak (Joxe Mari Altuna); Txori Kantak (Bonifazio Laskurain); eta, Bigarren kalez kale (Pablo Sorozabal).
* Oroitzapena:
* Idiarena (Eduardo Gorosarri):
* Txori kantak (Bonifazio Laskurain):