Covid19 | Datuak egunez egun

Haur Hezkuntzako eta Lehen Hezkuntzako lau gela itxita daude Andoainen, koronabirusaren eraginez

Ikasleen osasun egoera ona da, eta ez dago alarma pizteko arrazoirik. Ondarretako bi gela eta Aita Larramendi ikastolako eta La Salle Berrozpe ikastetxeko gela bana itxita daude.

Aita Larramendi ikastola

Haur Hezkuntzako gela bat itxita dute, eta Lehen Hezkuntzako ikasle batzuk on line bidezko eskolak jaso dituzte. Lanak ere modu horretan bideratu zaizkie. “On line bidezko hezkuntza ez dugu martxan jarri, gelak ez baititugu itxi Lehen Hezkuntzan eta Bigarren Hezkuntzan”.

La Salle Berrozpe ikastetxea

LH mailako gela bakarra itxi dute, eta bertako 23 ikasleak etxean daude. Gauzak ondo, gelaren martxa berrezarriko da hurrengo astelehenean. Azaroaren 29tik aurrera, zehazki.

Ondarreta ikastetxea

Lehen Hezkuntzako 3-4 mailatako bi gela itxi dituzte, eta ziklo bereko beste bi gelatan kribadoa egingo dute gaur bertan. LH 5-6 mailatan hainbat ikasle falta da eta irakasle batek positibo eman du. Oro har, ikasleak etxetik lanean ari dira eta zuzendaritzatik adierazi dutenez ondo daude: “Etxean dauden ikasleek Chromebook izeneko ordenagailua eskolatik eraman dute, eta bideokonferentzia bidezko konexioak egiten dituzte”.

 

Erlazionatuak

Osasun larrialdi egoera berriro martxan jartzea aztertzen ari da Eusko Jaurlaritza

Eskualdea

“Ez goaz ondo”, esaldia errepikatuz hasiera eman dio bere agerraldiari Sagardui Osasun Sailburuak. “Eta zer egin?”, adieraz...
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!