Sanjuanak 2022

Trianaren historia islatzen duen argazki erakusketa zabaldu dute

Andaluziako kultura zabaltzen ia 30 urte egin zituen Triana elkartearen ibilbidea islatzen duen argazki erakusketa zabaldu zuten atzo, San Martin Tours elizako arkupetan. Jaiek irauten duten egunetan ikusgai egongo da erakusketa. Ekitaldiko argazki bilduma eta bideoa, ikusgai:

Elkarteko kideekin batera, hainbat herritar eta udal ordezkari bildu ziren inaugurazio ekitaldian. Maider Lainez alkatea Andoaingo herriaren izenean eskerrak eman zizkien Trianako kideei, kasik hiru hamarkadetan Andaluziako kultura, gastronomia eta folklorea herrian sustatu izanagatik.

Triana elkartea iaz desegin zen, eta bere zuzendaritza batzordea osatu zuten kideek urtetan bildutako materiala (argazkiak, kartelak, agiriak, Joxe Mari Oiartzabalek sortutako ereserkia...) Udal Artxiboan uztea erabaki zuten. Hain zuzen, egunotan, Artxiboko Karmele Otaegi eta Marta Trutxuelo aritu dira argazki erakusketa prestatzen.

Erlazionatuak

Trianaren argazki erakusketaren irekiera ekitaldia

Andoain

Triana elkartearen ibilbidea islatzen duen argazki erakusketa zabaldu zuten atzo, San Martin Tours elizako arkupetan.  
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!