Andoaingo zenbait biktimen testigantza pertsonalak biltzen dituen “Korapiloak askatzen” ordu erdi pasatxoko dokumentala sarean zabaldu du Udalak, egunotan. Bertan, Nerea Amuchasteguik, Juan Joxe Petrikorenak, Mari Paz Artolazabalek, Jokin Sorozabalek eta Imanol Ansak, nork bere bizipen pertsonalak kontatzen ditu, latzak zenbait unetan.
Boskotearekin batera, tarteka, Andoaingo Udaleko alderdiek osatutako Bizikidetza Mahaian bitartekaritza lanak egin izan dituen Iker Uson Baketik elkarteko kideak, eta, “Memoria Partekatu Baterantz” txostena egin zuen Argituz elkarteko Aintzane Gamizek ere hitza hartzen dute. Andoaingo Udalak eskatuta, Escivi Zine eta Bideo Eskolak egin zuen dokumentala, eta iazko abenduan aurkeztu zuten Basteron.
2022 aza 10 Andoain