Ostiralean, kalera ateratzeko deia egin du Andoaingo Mugimendu Feministak, arratsaldeko 18:00etan egingo den manifestazioarekin bat egiteko. Zumea plazan hasiko da, eta Goikoplazan amaitu; bidean, herriko kaleak aldarrikapenez beteko dituzte herritarrek, mugimenduak pairatutako "kriminalizazio saiakera sistematikoa" nabarmentzeko, nahiz erasook neska gazteen, emakumeen eta sexu-genero disidenten "borroken zein bizitzen kontra" instituzioak eta poliziak egiten dituzten ahaleginak salatzeko.
Ekintzez betetako eguna
Txapa Lantegia izango da Gazte Lokalean ostiralean bertan, arratsaldeko 17:30ean. Jarraian, omenaldia egingo zaie "Indarkeria matxistaren emakume biktimei eta bizirik atera direnei". Aipatutako azken hori Goikoplazan izango da, iluntzeko 19:00etan. Egunarekin amaitzeko, kontzertua emango du Anarik Bastero, 20:00etatik aurrera.
Arazoaren 26an, larunbatarekin, autodefentsa feminista tailerra egingo da herriko Allurralde kiroldegian, goizeko 09:30etik hasi eta eguerdiko 15:00ak bitarte.
