Santa Ageda bezperako kanta-erronda ospatu dute Andoaingo kaleetan, Larramendi Bazkunak antolatuta. Goikoplazan, Ekitaldian, urtarrilaren 4an hil zen Arantxa Iartza euskaltzalea gogoan hartu dute, besteak beste, Santa Agedako kantu-jirako kantari nekaezina baitzen. Larramendi Bazkuneko kideek “Santa Agedaren Laguna” izendatu dute, eta familiari “Santa Agedaren Makila” eskaini diote. Argazki-sorta eta bideoak, ikusgai:
Hona, Arantxa Iartza gogoan hartuta, kantatu dituzten lau kopla:
Santa Ageda, Yageda maite
hemen gauzkazu kalean
Arantxa Iartza gogoan hartuz
haren omenez eskean.
Hutsune handia utzi diguzu
Arantxa adiskidea;
aiurriz zintzo, zuzen ta onbera
zaila zu baino hobea.
Makilaz lurra joaz gabiltza
Amalur onari deituz,
guztiok biziberri gaitzan gaur
tristura denak urrunduz.
Makil joaldi hauen bitartez,
Arantxa ohore zuri,
zeu izan zaitez aurrerantzean
urtero gure udaberri!
2023 ots 04 Andoain
